彭彭堂

今日公眾假期, 剪髮個appointment要3點, 而W要上班, 就一於約佢食lunch, 地點晌中環.

很喜歡假日的中環… 可以沒壓力的慢慢行!

平日的中環, 穿得很拘束, 吃的多是商務午餐, 想起有點怕!

今天穿的, 全部由日本買回來的, 但W說 “睇唔出喎!”.

很想吃九記, 但W不吃牛, 結果去了蘭芳園.

約2時10分, 食客不少, 多是一家大小消閒look, 而周圍食客, 都會叫豬扒包(而W同事已叫佢買外賣)… 不過, 還是那蔥油雞扒撈丁吸引D, 再加咸檸七, 而W, 竟同伙計說: 一樣呀唔該!

有冇攪錯, 大家都係第一次黎, 梗係叫D唔同啦…

蔥油撈丁, 真係幾香幾好味, 麵偏腍, 合我胃口(但W就唔鐘意)… 可能肚餓, 拿拿聲好快口就把它幹掉! 係喎, 呢個係蔥油雞扒撈丁, 咁雞扒呢?

雞扒嘛, 就係一件好港式雞扒, 雪味唔算重, 不過可有可無… (最好味的香港雞扒, 暫時都係銅鑼灣どらや!)

好似唔夠飽… 叫了奶油多同W分… OK啦, 不過冇驚喜!

再加外賣豬扒飽及西多士, 盛惠$107… 嘩, 中環即係中環!