星期一早上, 收到飲食老闆急call, 叫我去試下新廚做的小菜.

同事們沒有興趣, 只好找'無飯夫婦'小卡小臣吧! 而且他們會給予客觀而不用留情的評語. 另外, 再找來N一起湊熱鬧.

愉記的火鍋, 只試過一次, OK啦! 小菜, 聽聞水準不太穩定.

老闆推介的必點菜式是"碗仔翅"(雞絲翅), 每位$70.

"我唔食翅個喎..."小彭說.
"$70, 邊有翅呀... 唔係, 係有幾多翅呀, 得個幾條咋嘛... 個湯底, 用足料去煲架!"老闆說.

"D雞係咪新鮮雞先... 點整好呀?"小彭說.
"係呀... 可以試下豉油雞!" J主管說.

"有咩菜..." 小彭問.
"... 苦瓜... " J主管說.
"苦瓜好呀... 我要好腍好腍個播... 當我無牙的...!"小彭說.

老闆另外提意了焗魚腸及鵝掌.

結果點了:
雞絲翅 X 4
豉油雞半隻
砵仔焗魚腸
鮑汁花膠扣鵝掌
苦瓜炆斑腩





由於N還未到, J主管先送來椒鹽豆腐作為小吃. 肚餓的我, 當然覺得熱炙騰騰的豆腐很好吃!

N被"九龍的士司機"氣得哭笑不得, 那就先來碗翅來下下火吧!

的而且確, 翅的份量不多, 但湯的味道很濃, 吃得出是用足料的, $70是可接受的價格, 但又不是超值那一種.

再來是鮑汁花膠扣鵝掌... 嘩, 好大隻鵝掌, 仲大過我隻手. 鮑汁調得不錯, 花膠雖不是很厚身, 但配上芡汁, 十分好吃. (大部份的花膠也給N吃掉! >.<) 這一隻鵝掌加一片花膠, 可以賣$68一份. 這一煲賣$128, 抵食. 不過鵝掌太大而又沒有輔助工具, 吃起來卻有點'倫盡', 幸好大家也不介意食相的.

豉油雞一上, 已想: 唔係化! 我和小臣一放入口, 已大叫唔得!

"不要騙我喇, 新鮮雞!" 結果換了另一個菜... 帶子炒鮮奶! (據了解, 那是'昨天'的新鮮雞!)

一放下苦瓜炆斑腩, 看到青綠堅挺的苦瓜, 心中暗罵: 我都話要好腍GE苦瓜囉!

先吃苦瓜, 嘩, 有驚喜: 估唔到係好腍喎! 再吃斑腩, 即刻彈出一句: 好食! 這個斑腩, 沒有跟一般"市區斑腩"一般, 粉漿被焗至腍PAT PAT, 而是仍帶脆口, 皮肉間還有點膠質.

砵仔焗魚腸, 過熟, 但比大榮華好好多... 小卡說蛋沒有蛋香, 係喎, 沒有吃蛋的感覺呢!

追加的炒鮮奶, 外形不大討好, 入口沒有奶味... 一問之下, 原來用上了脫脂奶, 還加了蛋白... 車, 我們不是來吃健康餐的... 既然沒有養一頭水牛在廚房, 那不就用全脂奶吧!

甜品是紫芯蕃薯糖水, 夠薑味, 但我那兩件蕃薯不是太甜, 但其餘的人也說很好吃!

如果水準可以維持的話, 我會再捧場的. 不過, 下次有人管接送的話, 就會更好!
創作者介紹

彭彭堂

ec2eat 發表在 痞客邦 PIXNET 留言(6) 人氣()


留言列表 (6)

發表留言
  • 阿茄
  • 好一句「無飯夫婦」,哈哈哈
  • lau2tang
  • 個老闆夠膽畀隻「昨天」的新鮮雞來考你同Jason,佢一定唔知道你們是雞痴了!
  • carjaswong
  • 最滿意個鵝掌,其他的......出文再談.
  • 大頭仔
  • 老闆叫試菜?咁駛唔駛畀錢架?
  • 小彭
  • 我有俾錢, 不過第二日有得拎番!
  • joeyee
  • 個廚房知吾知係老闆黎試菜呢?!
  • 呢度係老闆ge飯堂...

    ec2eat 於 2007/05/30 20:53 回覆