放下日本語已經一段時間(已經忘記了多久), 又是時候要去上一下課. 今次, 又是去上每星期一次的工聯會嘻嘻哈哈個半鐘課程.

由找課程, 先由兩個同學報名上一堂, 然後到我再報名, 也有熱心的同學去代勞. 上了一課, 發覺不太合符經濟效益, 因為真的很淺易, 但對於底子打得不好的我, 也是一個再溫習的好機會, 而且絕對能達到嘻嘻哈哈的效果. 再者, 上課前/後, 一定有一個重要節目:



上課, 吃晚飯, 已經變成了我的娛樂節目之一了.

不得不提一件慚愧事: 我終於在上了第一課時, 知道什麼是上一段, 下一段動詞了… 以前我只知有一段動詞, 但總攪不清什麼是上呀, 下呀… 因為當時聽不入耳.

創作者介紹

彭彭堂

ec2eat 發表在 痞客邦 PIXNET 留言(17) 人氣()


留言列表 (17)

發表留言
  • 大頭仔
  • 乜動詞又分上一段下一段咁煩架?
  • Wendy
  • 嗯, 上課前/下課後的餘興節目才是重點吧.
  • supageti
  • 帥哥咪借頭借路就縮沙呀吓 ~
  • 小娜
  • 你冇遇上魔鬼老師真係好彩.
  • maymay
  • 想問下,究竟魔鬼老師係點魔鬼呢?
  • 小彭
  • 意粉: 我都覺大頭搵緊藉口"閃".

    大頭: 我唔曉上一下一都混左兩年而能力試又合格, 去日本買生果又可以流利對答(我以為), 又知阿姐姓講咩.

    wendy: um... 上課先係餘興節目...

    小娜: 我遇上魔鬼老師一係就一早無得讀, 一係就今年去考二級囉!

    maymay: 魔鬼老師係小娜個老師...
  • 大頭仔
  • hehe,報咗喇早兩個禮拜
    遲下仲諗住過去遊學添!^=^
  • 小彭
  • 你拿拿聲讀定50音先啦, 去遊學時咩日文都識讀會好開心, 雖然唔識解...

    今日上堂, d字深到呀, 有個助詞中一架... 下次要備課先... 不過今日書同習作都唔記得帶, 只係拎左筆袋! :P
  • 小娜
  • 其實我從來都冇交待過魔鬼老師點魔鬼法,如果一定要打比喻咁就一定係男版阿久津老師,第一堂上堂基本上要將之前學過o既野裝備好,第二堂開始教野就預你一定有備課,寫錯字要罰抄,答錯野比佢吋,功課唔可以太遲交,正如小彭話齋結果會係兩個極端,不過大進步既比率係好高,但大約有1%男的話會同佢開火女的話哇一聲喊出黎.

    上得一兩個月就會知佢脾性,佢係好吋,但亦都好風趣,有時講野都幾爆笑,佢係有心教書,不過自己都一定要做得好好.

    大頭又多個藉口去日本喇!背定五十音呀,我(好耐以前)既方法係好似罰抄咁狂寫,a-i-u-e-o-a-i-u-e-o,寫到記得為止.
  • 大頭仔
  • 我成日搭地鐵都見到人攞住本筆記或者書喺度溫日文,我覺得佢地好勤力,我諗我遲下都會好似佢地咁。
    睇嚟呢一年會好辛苦啊,不過諗到可以識少少扮代表就好開心……
  • supageti
  • 好一句識少少扮代表!(我又氹下人先 ~)

    當年我都係狂抄 50 音,抄到熟為止。
  • 阿茄
  • 連大頭仔都開始讀喇~ 努力呀
  • 小彭
  • 我咪係無狂抄狂背50音, 用左成年先識晒個50音囉! 我啱啱先擦番晒寫晌晒橙色本書個d a-i-u-e-o, 真係醜死怪! 家下d片仮名仲讀得慢半拍, 不過食物名就讀得好快.

    睇黎, 我要報基三會一會魔鬼老師先得喎...

    大頭, 你晌日本人面前, 最好第一句就用日文講"我唔識日文"先, 否則... 呵呵呵...

    茄, 你呢? 幾時到你呀!
  • 大頭仔
  • 你估我傻嘅咩,我緊係唔會喺日本人面對扮代表~~
    茄,你又報喇!
  • 小妹
  • 我識點講必殺技!
    suminasen, nihongo o hanasemasen
    學日文唔駛上堂架, 日煲夜煲my dear kimutaku得o架啦. ^^
  • vee
  • 報告一下:去年底問你那個弄onsen tamago 的東東今日終於到手(是自己懶沒去 Hollywood Plaza, 最近得知友人住那兒便央他幫我買了) 剛還用木魚汁+味霖+萬字醬油煮了那 sauce... 太好味了!

    (還有的是「搭傘」一句:自己亦想開始學日文了 @_@ 剛從lala處拿了些資料看... 這兩天再 feel feel 佢! :P )
  • 小彭
  • (吓, 大頭唔係傻嘅咩?!)

    小妹, 阿達人話係nihongo wa hanasemasen. 你知唔知"hanaseru"呢d動詞係好深架... 要上左120小時以後先學架!

    vee, 我又報告一下先... 我個溫泉蛋機呢, 用過一次, 就係個一次囉! :p 唔好想, 去學日文啦, d a-i-u-e-o等緊你呀!
找更多相關文章與討論