彭彭堂

4月9日(日) 京都/仙台/盛岡/繫溫泉

早: 杯麵/生果
午: 喜助(きすけ)牛たん (http://www.kisuke.co.jp/)
晚: 旅館夕食
宿: 岩手繫溫泉湖山莊

· 整個旅程最早一天出發, 7:30check out, 往車站乘8:00ひかり往東京, 再轉はやて往仙台
· 到達仙台駅牛舌通喜助用膳, 點了兩個鹽燒及兩個味噌燒, 味噌雖是限定供應的, 但還是前者好吃些
· 牛舌湯十分美味
· 吃飽後, 離下一班發車時間有成個半鐘, 可以去uniqlo行個轉同夾一夾…
· 再乘はやて由仙台往盛岡, 到達後乘的士往つなぎ溫泉, 司機差點miss左個路口, 好彩我夠醒目!
· 由於知道獨立屋係有另一個入口, 其他人就晌大門外等, 而小彭就入本館說了一聲: ‘こんにちは。私はパンです。’
· 又入到熟悉的駒形部屋, 四個人入住都有足夠空間
· 見番けいこさん… 送上去年的照片… 佢話我地上年來的時候全部要寫漢字溝通, 今年已可以講小小, 仲話我 ‘上手’… 唔咁當!
· 彭爸彭媽出外拍拍照, 我同A就唔客氣喇, 先浸屋內的溫泉
· 浸一浸, 成身腰酸背痛都鬆一鬆
· 浸完出外逛逛, 聽到露天風呂有人, 咁我地先去浸足湯
· 個足湯好熱, 可以浸晒小腿, 好舒服!
· 見露天風呂D人走左, 又入去浸一浸先… 個風呂好大喎!
· 返房吃櫻花小點… 食飯前再浸多次先!
· 晚御飯… 食物同上次有小小唔同, 今次好慢好慢咁食, 期望食得晒D野
· 都算叻喇… 食剩兩件牛… 對唔住, 好好味的岩手縣產的牛!
· 食飽飯, 出去lobby玩筷子彩繪
· 彭爸彭媽晌度畫國畫咁… 三位從青森來的女子都話佢地 ‘犀利啊!’
· 返房做咩好? 梗係浸溫泉啦!
· 十時左右, 研究一下足部反射(A是學員)就訓覺 ~ 終於有晚可以早D訓喇!

是日感想: 今日用左六個多小時晌列車上, 第一次一日踩兩條新幹線, 反而有D時間可以休息一下. 晌溫泉, 唔覺得彭爸彭媽好雀躍(對比上年同A來時, 大家的反應), 但返到黎香港, 佢地不停推介話個度好正又靚… 呢個係最唔順路的行程, 硬要加落去, 個度梗係好啦, 小彭嚴選溫泉NO.1喎!