彭彭堂

又晌電腦搵到照片… post番一餐飯平衡一下d文章比例先!

時間係上年的12月, 為慶祝彭爸彭哥彭嫂生日, 一行五人, 就黎到九廣東鐵尖東站上面的德國餐廳晚飯.

由於彭哥彭嫂之前黎過, 所以推介佢的農夫包(跟醬), 雜錦德國腸, 鹹豬手. 另再加雜菌沙律, 茄汁海鮮意粉, 麵包咖哩雞. 而小彭仲叫左一杯德國啤酒試下!

最好味的是農夫包及鹹豬手.

暖暖的農夫包外脫脆內軟, 跟的是肝醬和芝士醬. 兩種醬很是美味. 特別是後者, 其味道跟兒時晌超市買到的, 圓型細細盒的火腿芝士醬有點相似. 還記得當時要買那芝士醬, 要落足咀頭, 因為並不便宜! 也不用多說, 肝醬係呢兩年, 成了我的至愛!(不過係又愛又恨)

豬手是原隻上, 晌桌前才由服務員肢解. 外皮脆, 而肉軟滑而帶鹹香, 用來送啤酒一流. 而伴豬手的酸菜, 不一會被彭爸彭媽掃清! 至於那啤酒, 我不是喝酒的, 但也覺得味道好, 同喜力青島個d係有唔同, 但點唔同, 我又唔識講…

其餘菜, 唔係唔好, 但又不是很特別而令我有再試的衝動! 記掛著的, 就只有麵包(加醬), 豬手, 啤酒!

埋單大約五/六百蚊左右啦!

農夫包(跟醬)


雜錦德國腸


鹹豬手


雜菌沙律


茄汁海鮮意粉


麵包咖哩雞


德國啤酒