帶住小小喉嚨唔舒服過澳門, 仲要一到埗就去左榮暉... 雖然我真係好乖無叫雞湯米, 不過友人竟然叫雞湯米而唔食雞, 結果我唔抵得食晒佢… 結果, 又係一次零酒精的澳門之旅.


page 1.jpg


page 2.jpg


第1站: 榮暉 (雞湯米x2, 魚頭米x1, 魚頭湯x1, 鯪魚球米x1, 鯪魚球粥x1, 芝士火腿豬仔包x1, 油菜x2, 炸蝦丸x1)
雞湯米魚頭米唔使多講, 鯪魚球據講十分鮮甜, 跟平日晌香港食到嘅唔同. 除左我之外, 其他團友都未食過呢一間, 對呢度多元化食品選擇, 都覺得好得意. 食左mop150, 晌香港無可能搵得到.

第2站: 新葡京 round-the-clock coffe shop (草莓撻 + 黑森林)
呢一餐係攝出黎偷食的, 因為我點左d團友去威尼斯人. 友人同我就去搵澳門人, 不過團友又想去新葡京巡一巡, 巡巡下就去左晌酒店UG2的coffee shop, 因為友人話d餅好食. 兩件餅, 真係好好食, 好食到想買d番香港. (堂食/外賣餅每件mop28, 堂食另加一)

第3站: tower delicatessen (熱狗包+latte)
本來澳門人帶路去新地方食魚湯粉, 但係是日回歸日, 大部份小食店都無開門(因為要比3工再補假), 最後去左觀光塔食d野. 名物熱狗包已經可以唔使再食, 仲要收mop20, 一杯latte都只係mop15咋嘛! 友人買食材就買得好開心喇!

第4站: 新陶陶 (雞煲翅, 奄仔蟹2食, 花尾躉2食, 咕嚕肉, 油鹽水菜芯)
有團友想食翅, 我揀左新陶陶, 因為另有團友鐘意食蟹. 今次個蟹蓋蒸蛋滑過上一次, d蟹羔溶埋一齊好好食. 花尾躉二食有驚喜, 蘿蔔枝竹炆頭腩仲有好多龍躉皮.

第5站: 莫義記
我唔鐘意食大菜糕, 不過友人想食, 就同佢分享左一個原味大菜糕及木糠布甸. 其他團友都係食木糠布甸. 木糠布甸ok喎, 我鐘意實!

第6站: 杏香園
團友(包括我)都鐘意食呢間d糖水, 就去呢間, 而且又近酒店. 沒有原個芒果盅雪糕, 小朋友團友就好失望. 吃了6碗糖水, 共mop150, 算貴, 不過好味.

第7站: 三元粥品
步行回酒店路過, 真係買左先算, 叫左一碗外賣肉丸粥(mop18)返酒店食. 同友人分一半, 終於知道個粥問題晌邊度… 味精.

第8站: 酒店酒吧
住宿套餐包括一張mop100酒店餐飲卷, 無酒精飲(包括左溝右溝個d)全部每杯mop40以內. 酒吧的氣氛及環境都很好, 而服務員會令我暫時忘記了這裡是澳門.

本來仲想食街邊炒河, 雞腳, 蝦子撈麵... 雖然近在咫尺, 不過天氣凍, 都係唔好去喇!
arrow
arrow
    全站熱搜

    ec2eat 發表在 痞客邦 留言(5) 人氣()