彭彭堂

二零零一年四月三日 星期二
天滿橋 > 南港Hyatt > 環球片場 > Hyatt
唔經唔覺, 已經踏入旅程的第四日. 對於日本的電車subway之類的交通工具, 已有一定的掌握, so far都未試過搭錯車落錯站, 仲識搭特急呀! 今日早餐未食,晨早七點幾, 就趕去搭地車, 為咩? 為左避開返工的人群, 搭車去南港的Hyatt, 兩個人拖住三大件野, 都幾異相.
日本地車最唔好的地方就係唔係度度都有電梯上落, 我同陳小姐要一級一級咁拖D野落去車站, 一共抬左三大組樓梯, 可以停一停, 依多日的觀察, 前面再落係有扶手電梯的. 咦…點解有個大嬸在架升降機度行出黎的, 仲應該係由地面搭落黎個種, 點解…
好彩跟住一路轉車都只係行幾級樓梯就ok, 都轉左兩次車, 搭左約半個鐘再轉坐冇人駕駛, 終於到左中ふ頭站喇, 而Hyatt過條馬路就到, 不過拖住行李, 過條馬路都要十分八分鐘. 沿路行, 天陰陰, 仲有d毛毛雨, 可能又近海, 都有小小凍. 一入到Hyatt後門, 就即刻有bellboy過黎拎行李, 真係一分錢一分貨, 而酒店係網上訂的, 包埋環球片場(USJ)入場卷, 唔使自己撲飛, 因為USJ三月三十一日先開, 預售票己無哂, 要保證一定有飛, 可以入住Hyatt呢d USJ official hotel, 就一定有入場卷.

二零零一年四月二日 星期一
天滿橋 > 四條河原町 > JR京都 > 清水寺 > 天滿橋
今朝, 終於有個熱辣辣的杯麵(加旦)食喇! 之後, 我們坐京阪電車, 大約四十分鐘就到達京都四條河原町, 個度係京都最新shopping熱點. 我們入左一間百貨公司, 我就去打電話confirm機票, 陳小姐先去行個圈. 就係打個電話的時候, 陳小姐好快手咁就買左個Anna Sui手袋喇! 今日行百貨公司有樣好, 就係唔使同人迫, 可以慢慢揀, 但係我唔明, 我話明唔識日文, 但d sales都係同我一輪咀咁講日文. 行左一間百貨公司, 我們就收穫豐富, 之後, 就前往第一個景點-京都NAMCO. 唔…戰績都OK! 但係我們拎咁多野, 點去清水寺呀?
在去JR京都站前, 我們將D野store在locker, 到左京都站, 又先去ISETAN shopping, 買左Blue Labels先安樂. 行到咁上下, 就是但搵間壽司店食lunch. 嘩, d壽司好正, 個麵豉湯係超級勁好飲, 想俾錢order多一碗都唔得呀!
大約三點, 我們先開始去清水寺, 搭車又人多, 天氣又幾熱, 仲要行條大斜路先到. 上到去, 陳小姐已經坐低唔行喇, 而我就係咁影將相到此一遊就算, 而四周都無咩櫻花睇, 都呃人的. 跟住, 又要迫一輪巴士先返到京都站, 之後去番河原町搭車返大阪.

二零零一年四月一日 星期日
天滿橋 > 大阪城公園 > 電器街/黑門市場 > 心齋橋 > 梅田
八點幾起身, 又開始今日的行程.

首先係落樓下LAWSON買早餐, 而我們揀了熱騰騰的中華料理”飽飽”同鮮奶, 陳小姐仲加隻烚旦. 食完早餐攪掂晒, 就開始今日的觀光行程, 第一站係大阪城公園. 由酒店行去, 轉個彎直行大約五分鐘就到. 我們到大阪城公園的目的, 唔係去大阪城, 而係去睇櫻花, 而一直沿途都見有櫻花係路旁.

二零零一年三月三十一日 星期六
香港 > 大阪 > 天滿橋 > 心齋橋 > 天滿橋 
無論去邊度旅行, 我一定都會帶著興奮的心情出發. 今次當然都唔例外, 仲要係加倍的緊張. 因為今次係我第一次去’扶桑’, 同時係採用自助旅遊的形式, 所以份外覺得興奮. 抱住唔衰得的心情, 旅程開始了!

中午時份到達機場, 乘搭ANA客機到大阪. 日本, 對我來說是印象模糊, 而今晚住的酒店, 係從網上預定的, 地圖資料都係由網上得到的, 實際情況又係點? 落左車會唔會行好遠? 唔使行天橋/隧道嘛? D房掂唔掂? 其實在計劃行程安排以來都有好大的壓力, 因原先想定的酒店冇房, 所以迫住要在大阪自己book房, 改完又改…擔心都多餘的, 三個多小時的機程, 已到達大阪的關西機場了!

今日整理電腦時, 竟然搵到一個舊檔案, 裡面記載了小彭的第一次日遊!
打開檔案, 大概完成了1/3了... 宜家睇番, 真係好笑(特別係前言)!
既然手頭冇遊記寫緊, 唔好浪費, 就索性寫埋佢!

再晌小彭垃圾堆中, 又搵多1/3手寫稿... 不過要再記番幾年前ge野, 都有難度! 不過呢次旅程, 記錄著小彭成日提住的經典經歷 ~ 超重, 究竟點超法, 有幾誇張, 大家不妨睇下下面張相.

見小yee寫小狗, 我都唔執輸, 又寫下小狗.
從小我就喜歡狗, 又唔怕狗, 而彭哥則怕得要命. 幸好我地住的地方唔可以養狗, 否則可能會上演一場血戰! 亦由於如此, 由細到大(宜家), 都冇想過養隻小狗. 另一方面. 由於唯一的寵物小龜離世(由於餓死), 斷定我是絕不能飼養寵物的.
以下出現的大中小狗, 全部都是朋友的. 首先是Corgi, 她的名字就是Corgi*, 是威爾斯歌基犬(Welsh Corgi). 那時還未有THE DOG, 呢個品種唔係咁流行.

* 我記得Corgi呢個字係讀ごぎ(go gi用日文拼音會易明d), 但主人讀英文音cor gie, 咁就cor gie啦!

今日終於上完基一個日語會話班喇!
雖然個考試唔係難, 但都叫鬆一口!
跟住落黎去到六月中, 一星期就只係返兩晚日語課, 希望會有多d時間溫習一下!

唉... 聽晚, 又有第三次的日語測驗喇!

呢個15天之旅, 籌備超過一年, 晌財政同行程編排方面, 都要下多番功夫!
以前去完日本返黎, 成日同屋企人講, 點好玩, 點好食… 我知道, 得個講字係無用的, 要親身經歷, 先可以領略得到!
今次旅行方式同之前好唔同, 前段係非常緊湊 ~ 想用最少時間, 去最多的地方, 是辛苦了一點, 但食得開心, 又賞試了很多不同的體驗.
衷心感謝A, 如果佢唔係一齊去, 我知我一定頂唔順!
又再一次同吳氏一家去旅行, 目的地竟然是日本(仲要係北海道), 實在有講唔出的興奮… 同佢地一齊, 一定會食到好味GE野, 同埋唔會餓襯!
雖然之前已有多次日遊經驗, 今次除左去了一些新景點, 仲有不少新嘗試, 新體驗… 最深刻的包括:
1/ 滑雪 (之前有去過滑雪場, 但冇滑雪)
2/ 整餅 (之前有去到, 不過同行的人唔多啱玩)
3/ 放題 (與吳氏一家同行, 先有膽去試)
4/ 舞妓 (只此一次)
5/ 夜車 (最好都係只此一次)
6/ 一大班人浸溫泉 (其實係得四個人)
由於飲食的預算做得比較鬆動, 而每餐人數有4-5位, 所以點菜方面可以隨意一點, 試多一些不同的食物! 但要搵到合適的旅伴(最重要‘好食’), 實在唔容易!
而彭爸彭媽最愛新嘗試, 什麼新東西都會試/吃, 就算唔合胃口, 都唔會有好大反應及批評! 不過我最怕給他們看餐牌, 因佢地會覺得樣樣都好貴!
至於講日語嘛… 今次係學習日語後第一次日遊, 識得睇/講/聽到小小日語, 的確係會方便d… 特別係點菜方面, 至於講得最多個句(其實係單語), 就係: 一緒に/で (一齊)!
日本當然會再去, 但應該會是輕鬆一點的旅程!
最後, 多謝大家捧場同支持!
どうもありがとうございます。

4月17日(月) 秋葉原/池袋/機場
早: Mos Burger
午: 牛舌定食
茶: 機場三文治/炸雞

4月16日(日) 函館/池袋
早: 函館朝市
午: 串燒
晚: 白木屋
宿: 池袋劇場