2008年之前對上一次打麻雀, 也許已是三五七年之前的事.
2008年2月, 一連兩個星期日也有機會打麻雀.
繼上星期日的小友千王群英會, 這個星期日要出席同事的婚宴, 當然也要支持中國文化.
吃出頭糊, 也有點忌諱. 不過, 在第一個東圈只有我吃得出... 共四舖.
繼上次的單吊清一式自摸九番, 今次又吃出了這個:
第一次的小四喜, 不得不拍照留念.
吃了這一舖, 我的代價是“這件事”要(會)被友人講足十年. (因為我本來單吊九萬而改為翻兜熟張“南”, 叫小四喜喎! 雖然我都覺得我嘅行為有d卑鄙, 仲要晌友人手中食出, 都有d唔好意思.)
其實, 我只是吃午飯時已喝多了, 暈吓暈吓亂打一通而已.
其實, 我一早已攞定錢, 夠輸幾十底.
其實, 我真的不會打麻雀, 運氣也是很重要的啊!
其實... 或許... 我真是一名老千. 不過, 也只是一名沒賺大錢的老千.
文章標籤
全站熱搜
小彭四圍遊 (37)
新年跟同事耍樂，12圈內吃了2次打出，1次自摸，4次叫糊13么，也給人說我是老千呀！
係我就做埋萬子對碰喇！^_^
老千.....怪之得成日有得去日本 ^^
hmm........飲醉酒的人唔會話自己醉的.... 翻兜食熟張係高手所為...... 結論.......你確實係老千 !!
如果千完夠去日本我又唔怕認喎! ^^
唔.....結論當然係.....小彭真係一位老千。 唔好俾小Q見到呢篇文，可能又再勾起佢既情緒.....呵呵呵
哈哈哈，好一個千王群英會，幸好不是千王耆英會！ 婚宴應該不是吃芝麻糊埋尾，咁有沒有人整晚沒糊吃呢？
茄, 請注意言論, 唔該你適當地加上"疑似"兩個字! 小頭, 因為我比疑似x君又千多鑊, 先悟出"千外有千", 所以個日絕對係千王群英會. 如果打左六七圈都無糊食, 食芝麻糊都補唔番個心靈創傷.