彭彭堂

尋日因公事上左黃埔(廣州隔離)一趟.

搭第二班直通車T826往廣州東站, 沿途不停站.

T826用的係KTT列車, 雙層的, 我們的座位在樓上. 而座位有一半係倒頭, 唔可以擰番轉.

我們坐的是特等(hkd230), 前後寬度比GREEN CAR窄, 座位亦窄小小. 洗手間亦很清潔.

從二階外望, 與平時乘東鐵的景觀截然不同. 列車以龜速*前進, 約40分鐘終於到達羅湖.

*我明白列車為何要以龜速慢走, 但坐在那樣的車廂, 實在有點不耐煩, 好比坐在飛機中, 卻不停在地面滑行一樣.

車內有無料飲品及藍罐曲奇供應, 但往國內還是'制水'比較好一點, 所以沒有享用.

到達東站, 由接待單位迎接及送我們往黃埔. 參觀了一些設施, 便往用膳.

先上的是湯 ~ 蠍子煲烏雞, 呢樣就係成餐飯最古怪的食物.

我沒膽量吃下那蠍子, 佢條尾有勾的, 我怕牠勾住我條脷, 又或勾住條喉嚨...

看看牠那近照吧!



這湯的味道, 只是雞湯一碗, 而有同事唔食雞, 我'勉為其難'地多喝一碗!

其他都沒什麼特別, 普通但也可口, 以應酬飯來說, 已叫吃得多了.

下午, 再參觀一些設施, 便與國內同事匯合, 與海關人員開了個座談會.

我第一次見官, 終於領教了什麼是官腔了, 真係講就咩都得, 做起上黎有咩問題, 就係個別例子!

吹水一個鐘, 就趕去東站, 當然趕不上三點幾個班KTT, 而再下一班KTT是八點幾... KTT, 下次再見喇!

踏上4:55的列車, 應該都係十幾年前搭過個種車... 依, 一陣味GE!

It's Tempo's time! (薄荷味)

用了10分鐘去適應, 一等車費hkd190, 當然沒有無料飲品及小食, 車上卻附有餐車, 相距10步之遙.

我沒有幫襯, 卻換來是烏蠅的騷擾!

車廂亦很熱鬧, 有牛腩飯, 水餃麵, 綠豆沙, 粟米, 雞脾賣呢!

接近7時出閘... 下一站, KING LUGWIG BEERHALL!

好充實的一天!