彭彭堂

一個人住

已經經歷兩星期有多的"一個人住"的體驗!

不是我搬走了, 而是我家工人(彭爸彭媽)離家出走一個月!

可能有人覺得我咁稱呼佢地有點過份, 但他們也蠻樂意呢!

他們的日常工作:

彭爸: 未夠六點去買報紙, 粗重功夫, 搬搬抬抬, 電器維修...
彭媽: 主理膳食, 洗燙清潔, 雜務...

以上的功夫, 自己都識得做, 之但係平常唔多願做, 做起上黎, 好比做運動一樣, 可強身健體!

有一晚, 洗手間燈燒了, 要沖涼喎, 已九時多, 怎辦? (後備燈泡在哪兒啊? 出來呀!)

費了一分鐘, 才拆了壞燈... 拆左爸媽那房燈, 安了上去! (一星期後, 終買了新燈泡)

一個人食

晚餐, 是最頭痛!

我要早睡(11:00pm其實唔早啦!), 若9:30前返唔到屋企, 我會有點不安!

所以, 不太喜歡外出晚餐, 又或要早去早回...

夜晚吃的其實不多, 因為午餐通常吃得飽飽!

最簡單: 生菜四兩加本區馳名的'巷仔大光燈'雲吞六粒 ~ 七日吃了四次!

吃飯盒... 太多了, 不成!

吃麵飽... 不成!

吃粉麵... 不成!

不吃... 不成!

最滿意: 生菜四兩加豉油皇乳鴨一隻!

早餐, 也是頭痛!

一定要在家吃...第一天, 6:30起床, 快手快腳煮了麵, 沖了茶... ok, 時間剛好, 跟平常差不多...

第二天, 已開始吃家樂氏粟米片, 直到今天... 星期六/日除外! 不過, 早上九時多, 已開始肚餓, 呢兩日已帶多隻烚蛋或牛奶蕉返工再吃!

唉... 呢個週末, 又要燙衫了!